ለተከበራችሁ የንብ ኢንተርናሽናል ባንክ አክሲዮን ማኅበር ባለአክሲዮኖች፡-

የንብ ኢንተርናሽናል ባንክ አ.ማ. የባለአክሲዮኖች 20^ኛው አስቸኳይ ጠቅላላ ጉባኤ በኢትዮጵያ ንግድ ሕግ ቁጥር 1243/2013 አንቀጽ 366፣ 367፣ 370፣ 371፣372 እና በተሻሻለው የባንኩ መመስረቻ ጽሁፍ አንቀጽ 16 መሰረት ቅዳሜ መጋቢት 14 ቀን 2016 ዓ.ም. ከጧቱ 2፡30 ጀምሮ ቦሌ አካባቢ በሚገኘው በሚሊኒየም አዳራሽ ይካሄዳል፡፡ ስለሆነም፣ የባንኩ ባለአክሲዮኖች በአካል ወይም በሕጋዊ ወኪሎቻችሁ አማካኝነት በተጠቀሰው ቀን፣ ሰዓትና ቦታ እንድትገኙ የዳይሬክተሮች ቦርድ ጥሪውን በአክብሮት ያቀርባል፡፡

• የባንኩ የተፈረመ ካፒታል 10,000,000,000.00
• የባንኩ የተከፈለ ካፒታል 7,077,947,000.00
• የባንኩ የምዝገባ ቁጥር  KK/AA/02/0000814/2004
• የባንኩ አድራሻ፡- አዲስ አበባ ከተማ፣ ልደታ ክ/ከተማ፣ ወረዳ 09 ንብ ኢንተርናሽናል ባንክ ህንጻ

የ20^ኛው አስቸኳይ ጠቅላላ ጉባኤ አጀንዳዎች፡-

ድምጽ ቆጣሪዎች ተለይተው ምልአተ ጉባኤው መሟላቱ ከተረጋገጠ በኃላ፡-

1. የጉባዔውን አጀንዳዎች ማጽደቅ፣
2. እ.ኤ.አ በ2022/23 ሂሳብ ዓመት በባንኩ የተገኘው የትርፍ ድርሻ ላይ ውሳኔ ያልተሰጠበት የትርፍ ድርሻ ለካፒታል ማሳደግ በሚውልበት ሁኔታ ላይ ተወያይቶ ውሳኔ ማሳለፍ፤
3. የባንኩን የተከፈለ ካፒታል ለማሳደግ በ18ኛው አስቸኳይ ጠቅላላ ጉባኤ የተወሰነውን የካፒታል ማሳደጊያ ጊዜ በሚሻሻልበት ሁኔታ ላይ ተወያይቶ ውሳኔ ማሳለፍ፤
4. የባንኩን ካፒታል ማሳደግ ላይ ተወያይቶ ውሳኔ ማሳለፍ፤
5. የጉባዔውን ቃለ ጉባኤ ማጽደቅ፣

ማሳሰቢያ፡-

• ባለአክሲዮኖች በጉባዔው ለመገኘት ኢትዮጵያዊነታቸውን የሚያረጋግጥ የታደሰ መታወቂያ፣ መንጃ ፈቃድ፣ ፓስፖርት ወይም ትውልደ ኢትዮጵያዊነታቸውን የሚያረጋግጥ መታወቂያ ዋናውን ከፎቶ ኮፒ ጋር ይዘው መገኘት ይኖርባቸዋል፡፡
• በውክልና የሚገኙ ከሆነ የወካዩን ባለአክሲዮን ኢትዮጵያዊ ወይም ትውልደ ኢትዮጵያዊ መሆኑን የሚያረጋግጥ የታደሰ መታወቂያ ወይም ፓስፖርት ዋናውን ከኮፒ ጋር ይዘው መገኘት ይኖርባቸዋል፡፡
• ውክልና መስጠት የሚፈልግ ባለአክሲዮን ከመጋቢት 5 ቀን 2016 ዓ.ም እስከ መጋቢት 13 ቀን 2016 ዓ.ም ድረስ በስራ ሰዓት ኢትዮጵያዊ ወይም ትውልደ ኢትዮጵያዊ መሆኑን የሚያረጋግጥ የታደሰ መታወቂያ፣ መንጃ ፈቃድ ወይም ፓስፖርት ይዞ ሰንጋተራ በሚገኘው የባንኩ አዲሱ ዋና መ/ቤት ህንጻ ምድር ወለል ለዚሁ በተዘጋጀው ቦታ በግንባር በመቅረብ የተዘጋጀውን ቅጽ በመሙላት መወከል ይችላል፡፡
• በሠነዶች ማረጋገጫና ምዝገባ ኤጄንሲ ወይም አግባብ ባለው አካል በተሰጠ ውክልና በስብሰባ ላይ የሚገኝ ተወካይ የወካዩን ባለ አክሲዮን ኢትዮጵያዊነት ወይም ትውልደ ኢትዮጵያዊነት የሚያረጋግጥ የታደሰ መታወቂያ ወይም ፓስፖርት ዋናውን ከኮፒ ጋር እና የውክልናውን ዋና ከኮፒ ጋር ይዞ መገኘት ይኖርበታል፡፡

የንብ ኢንተርናሽናል ባንክ የዳይሬክተሮች ቦርድ