የንብ ኢንተርናሽናል ባንክ አ.ማ. የባለአክሲዮኖች 21ኛው መደበኛ ጠቅላላ ጉባዔ ሐሙስ ታህሳስ 15 ቀን 2013 ዓ.ም. ከጧቱ 2፡30 ሰዓት ጀምሮ ካዛንቺስ አካባቢ በሚገኘው ኢንተርኮንቲነንታል አዲስ ሆቴል አዳራሽ ይካሄዳል፡፡ ስለሆነም፣ የባንኩ ባለአክሲዮኖች በአካል ወይም በሕጋዊ ወኪሎቻችሁ አማካኝነት በተጠቀሰው ቀን፣ ሰዓትና ቦታ በጉባዔው እንድትገኙ የዳይሬክተሮች ቦርድ ጥሪውን በአክብሮት ያቀርባል፡፡

የ21ኛው መደበኛ ጉባኤ አጀንዳዎች፡-

  1. የጉባዔውን ድምፅ ቆጣሪዎች መሰየም፣
  2. ምልዓተ ጉባዔ መሟላቱን ማረጋገጥ፣
  3. የጉባዔውን ጸሐፊ መምረጥ፣
  4. የጉባዔውን አጀንዳ ማፅደቅ፣
  5. እ.ኤ.አ. በ2019/2020 የተካሄዱ የአክሲዮን ግዥና ዝውውሮችን መቀበል፣
  6. የዳይሬክተሮች ቦርድ ዓመታዊ ሪፖርት መስማትና ተወያይቶ ማጽደቅ፣
  7. የባንኩን የውጭ ኦዲተሮች ዓመታዊ ሪፖርት መስማትና ተወያይቶ ማጽደቅ፣
  8. በዳይሬክተሮች ቦርድ በቀረበው የዘመኑ የተጣራ ትርፍ አደላደልና አከፋፈል የውሳኔ ሃሳብ ላይ ተወያይቶ ማጽደቅ፣
  9. የዳይሬክተሮች ቦርድን ዓመታዊ የሥራ ዋጋና ወርሐዊ የትራንስፖርት አበል በሚመለከት በቀረበው የውሳኔ ሃሳብ ላይ ተወያይቶ መወሰን፣
  10. የውጭ ኦዲተሮችን ሹመት ማጽደቅና ክፍያቸውን መወሰን፣
  11. የዳይሬክተሮች ቦርድ አስመራጭ ኮሚቴ ሪፖርት ማዳመጥ እና የዳይሬክተሮች ቦርድ አባላት ምርጫ ማከናወን፣
  12. የዕለቱን ቃለ-ጉባዔ ማጽደቅ፣

ማሳሰቢያ፡-

  • ባለአክሲዮኖች በጉባዔው ላይ ለመገኘት ኢትዮጵያዊነታቸውን ወይም ትውልደ ኢትዮጵያዊነታቸው ን የሚያረጋግጥ የታደሰ መታወቂያ፣ መንጃ ፈቃድ ወይም ፓስፖርት ዋናውን ከኮፒ ጋር ይዘው መገኘት ይኖርባቸዋል፡፡
  • በውክልና የሚገኙም ከሆነ የወካዩን ባለአክሲዮን ኢትዮጵያዊ ወይም ትውልደ ኢትዮጵያዊ መሆን የሚያረጋግጥ የታደሰ መታወቂያ ወይም ፓስፖርት ዋናውን ከኮፒ ጋር ይዘው መገኘት ይኖርባቸዋል፡፡
  • ውክልና መስጠት የሚፈልግ ባለአክሲዮን ከታህሳስ 8 ቀን 2013 ዓ.ም. እስከ ታህሳስ 14 ቀን 2013 ዓ.ም. ድረስ በሥራ ሰዓት ኢትዮጵያዊ ወይም ትውልደ ኢትዮጵያዊ መሆኑን የሚያረጋግጥ የታደሰ መታወቂያ፣ መንጃ ፈቃድ ወይም ፓስፖርት ይዞ በባንኩ ዋና መ/ቤት ደምበል ሲቲ ሴንተር 12ኛ ፎቅ ህግ መምሪያ በግንባር በመቅረብ የተዘጋጀውን ቅጽ በመሙላት መወከል ይችላል፡፡
  • በሠነዶች ምዝገባና ማረጋገጫ ወይም አግባብ ባለው አካል በተሰጠ ውክልና በስብሰባ የሚገኝ ተወካይ የወካዩን ኢትዮጵያዊነት ወይም ትውልደ ኢትዮጵያዊነት የሚያረጋግጥ የታደሰ መታወቂያ ወይም ፓስፖርት ዋናውን ከኮፒ ጋር እና የውክልናውን ዋና ከኮፒ ጋር ይዞ መገኘት ይኖርበታል፡፡
  • በኮቪድ-19 ወረርሽኝ ምክንያት የኢትዮጵያ ኅብረተሰብ ጤና ኢንስቲትዩት ባወጣው መመሪያ የስብሰባ አዳራሾች በሚይዙት የተሰብሳቢ ብዛት ላይ ገደብ የተጣለ ስለሆነ ባለአክሲዮኖች በተቻለ መጠን ወኪል እንዲሾሙ፣ በጉባዔው ተሰብሳቢዎችም የአፍና የአፍንጫ መሸፈኛ ማስክ እንዲያደርጉ ይመከራል፡፡

 

የዳይሬክተሮች ቦርድ

ንብ ኢንተርናሽናል ባንክ አ.ማ.

Leave a Reply

Your email address will not be published. Required fields are marked *