የኬሮድ 6ኛው ዙር 15 ኪ.ሜ የጎዳና ላይ ሩጫ ዛሬ መስከረም 10 ቀን 2019 ዓ.ም በወልቂጤ ከተማ ተካሄዷል። “ለሰላም አብረን እንሩጥ” በሚል መሪ ቃል የተካሄደው ይህ የጎዳና ላይ ሩጫ፣ ሰላምንና አንድነትን በስፖርት ለማጠናከር ያለመ ነው። በሩጫው ከ2 ሺህ በላይ አትሌቶች እና ከ45 ሺህ በላይ የማኅበረሰብ ክፍሎች ተሳትፈዋል። በውድድሩ የኢትዮጵያን ባንዲራ በተለያዩ የዓለም የስፖርት መድረኮች ያስተዋወቁ አትሌቶችም ተሳትፈዋል። የዝግጅቱ ዋና ስፖንሰር የሆነው ንብ ኢንተርናሽናል ባንክ፣ በመርሃ ግብሩ ላይ “ንብተራ” የዲጂታል ምርትና አገልግሎቱን ለተሳታፊዎች አስተዋውቋል። በዝግጅቱ የባንኩ ሪቴይልና ኤስኤምኢ ቺፍ ኦፊሰር አቶ ሙሉቀን ደምሴን ጨምሮ ሌሎች የማኔጅመንት አባላት ተገኝተዋል። ንብ ኢንተርናሽናል ባንክ የኬሮድ ታላቁን ሩጫ ለተከታታይ አምስተኛ ዙር ስፖንሰር ማድረጉም ታውቋል።